كيفن دي بروين، نجم منتخب بلجيكا، أكد أن مباراة بلاده مع مصر هتكون صعبة جدًا، وده بسبب قوة الفريق المصري المنظم من البداية.
في تصريحات له خلال المؤتمر الصحفي، قال دي بروين: هكون سعيد جدًا بمواجهة صلاح ومرموش مرة تانية، لعبت ضد صلاح لمدة 10 سنين، وأولادنا كانوا في نفس المدرسة، فكنت بشوفه بين الحين والآخر، وهو شخص لطيف، ومن الجميل أن نتنافس مرة أخرى
وأضاف: المباراة ضد مصر هتكون صعبة وكمان جسدية، خصوصًا أن أول مباراة دايمًا بتكون معقدة، لكن إحنا جاهزين تمام
وعن علاقاته، أوضح إنه عنده أصدقاء في مصر، وكانت فيه محادثات السنة اللي فاتت، لكن حاليًا مفيش حاجة قائمة.
كمان قال إنه يعرف ملعب لومن فيلد من زمان، ولعب فيه مع تشيلسي، وإن الملعب ممكن يكون جاف بسبب الحرارة، لكن كل حاجة تانية تمام.
وتكلم عن جيريمي دوكو، وأكد إن الدفاع عنه لمدة 90 دقيقة مش سهل، لأنه تطور بكتير وبقى أفضل في اتخاذ القرارات.
أما بالنسبة لروميلو لوكاكو، فقال إنه في حالة جيدة، وممكن يكون له دور كبير حتى لو لعب لمدة قصيرة.
واختتم حديثه بإن المدرب عمل جو كويس داخل الفريق، والتحضيرات دلوقتي أفضل من البطولات اللي فاتت.
موعد مباراة مصر وبلجيكا في كأس العالم 2026
أما عن موعد مباراة مصر وبلجيكا في كأس العالم 2026، فالمباراة هتكون يوم الاثنين 15 يونيو في ملعب سياتل بالولايات المتحدة الأمريكية، ضمن الجولة الأولى من دور المجموعات.
والمباراة هتبدأ الساعة العاشرة مساءً بتوقيت القاهرة والسعودية، والساعة الحادية عشر بتوقيت الإمارات.