نشر الفنان مدحت تيخا عبر حسابه على موقع «فيسبوك» منشورًا كشف فيه عن تعرضه لعملية نصب تتعلق بشيك لم يتم سداده منذ ما يقرب من ثلاث سنوات.
وكتب تيخا في منشوره: «أنا أتنصب عليا في شيك بقالي ٣ سنين إلا شهر وكام يوم من (ع م) غير (ع م) بتاع أخبار النهارده، وطبعا أنا ساكت طول السنين دي قولت أقف جنبه واستني الدنيا تتيسر وهو كل شوية يقوللي أسبوع والفلوس جاية، وأنا أقول أكيد هيبيع حاجة من أملاكه ويدي الناس فلوسها ولكن مفيش، أتاريه بيصرف فلوسنا على أشياء أخرى».
وتابع: «أنا غلطتي أني طلعت جدع ووقفت جنبه ومرضيتش أرفع قضية عليه بالشيك، ولكن اللي في داء مبيبطلوش، وأنا صبرت مع الشخص الغلط لأن المحترمين معروفين في الوسط كله».
واختتم منشوره قائلاً: «ملحوظة لصاحب الشيك: أمامك مهلة لأول الأسبوع القادم، لو الفلوس مجاتش اسمك هيكون حديث المواقع كلها غير القضية، وربنا ينجينا من أمثال هؤلاء في المهنة دي يارب».