زكي عبد الفتاح، مدرب حراس مرمى منتخب مصر السابق، اتكلم عن خسارة المنتخب من البرازيل بهدفين مقابل هدف في المباراة اللي فاتت.
وقال زكي في تصريحات لسهام صالح في برنامج الكلاسيكو إن المنظومة الرياضية عندنا بطيئة، وكأن كل واحد شايف يومه بس، حسام حسن كان مش عارف مين الحارس الأساسي لكأس العالم قبل المباراة، لكن مصطفى شوبير اتألق في اللقاء.
وأضاف: استغربت من تصريحات عصام الحضري اللي حمل فيها مصطفى شوبير مسؤولية الهدف الأول، واللوم مش عليه، اللوم على مهند لأنه لمس الكرة أربع مرات وكان لازم يتصرف بشكل أفضل لأنه كان بيلعب قدام البرازيل
وتابع: رتم الكرة في مصر بطئ، وده اللي خلى مهند يقع في الخطأ، ومصطفى شوبير مالوش ذنب في الهدفين اللي دخلوا في مرماه
وواصل زكي حديثه إن المكسب لمصر كان في اللعب على الملعب ده، لأن الملاعب في كأس العالم هي من نفس النوع، والملعب ده كان اختيار البرازيل لكن في الآخر كان في صالحنا عشان نتعود على الكرة.