رودي جارسيا، المدير الفني لمنتخب بلجيكا، معترف بقدرات منتخب مصر قبل اللقاء المنتظر بين الفريقين في كأس العالم 2026.
منتخب بلجيكا ضمن المجموعة السابعة في البطولة اللي هتقام في أمريكا وكندا والمكسيك، ومعاه منتخبات مصر ونيوزيلندا وإيران.
جارسيا قال في تصريحات لموقع الفيفا: “احترامنا كبير للمنتخبات الثلاثة في مجموعتنا.. طبيعة كأس العالم كده”
وأضاف المدرب الفرنسي: “نعرف مصر كويس، فهي من أفضل الفرق في أفريقيا، وكمان عندي معرفة شخصية بمحمد صلاح لأنه كان تحت إيدي في روما”
وفي نفس السياق، تابع: “هنتقابل مع منتخب من أوقيانوسيا وآخر من آسيا، وبصراحة معرفتنا بيهم أقل لأننا مش بنشوفهم كتير، لكن متحمس أكتشف قدرات إيران ونيوزيلندا”
واستكمل: “لازم نبدأ باحترام منافسينا في دور المجموعات، وبعدين نسعى للفوز عليهم عشان نتصدر المجموعة، بعد كده هنشوف هنقدر نوصل لفين في البطولة”
وواصل: “ماعمري فقدت الطموح.. هنسعى نحقق أبعد نقطة ممكنة، بس كمان الحظ مهم في القرعة، ومع ذلك إحنا متحمسين وهدفنا كبير، ومجموعتنا قوية”
وأشار: “على مدار ست سنين، بلجيكا كانت متصدرة تصنيف الفيفا، والجيل الذهبي كان مرشح قوي للفوز بمونديال روسيا 2018 وقطر 2022، لكن ما نجحوش، الصورة دلوقتي مختلفة، هنبقى من الفرق اللي مش مرشحة، وده أفضل لنا”
واختتم جارسيا حديثه بقوله: “لازم م نخشاش أي منتخب، ده أكيد.. قلت للاعبين: لازم نؤمن بقدرتنا على مواجهة أي فريق في العالم”