تحدث الفنان محمد مرزبان عن علاقته بالموتوسيكل، قائلا: «مكانش متاح إني أركب موتوسكيل ملكي زمان بسبب الأهل بيبقوا واقفين قصادك ويقولولك انت هتموت لإن كان بيحصل حوادث وفي ناس ضيعوا نفسهم وفقدت أعز حاجة عندهم بسبب التهور، الأهل كانوا يخافوا علينا دايما.. ابتديت أركب من سنة 80 وكنت عايش برا في إنجلترا».

عشق السواقة والبايك

وأضاف مرزبان، خلال حواره عبر بودكاست «ع البايك»: «إنجلترا بردو السواقة فيها مش سهلة بسبب الأرض والأمطار والتلج، بس بردو ممتلكتش موتوسيكل، بس لما رجعت مصر ابتديت بسكوتر زي أي حد وقولت أحل بيه مشكلة الزحمة والمواصلات، بعد كده نطيت نطه جامده من السكوتر وجبت الهوندا 1300 VTXوشوية ودخلت على 1800».

حب واكتشاف البلد

وتابع: «أنا بحب الإسماعيلية والسويس والأماكن دي، الموتوسيكل علمني حاجات أنا مكنتش بعرفها وبشوفها، واكتشفت إن بلادنا مليانة آثار وحاجات كتيرة جدا تستحق إن الواحد يشوفها، لا بلدنا مليانة حاجات حلوة».

وواصل: «هي هواية جميلة جدا بس اللي يعرف يستخدمها صح ويستفيد منها ويفيد الآخرين ويغير صورة البايكرز اللي متاخدة إن الناس دي مزعجة وسلوكها مش كويس، وعلاقتي بالبايك أوصفها في كلمة حبيبي».

الموتوسيكل معالج نفسي

واختتم: «علاقتي بالبايك كأنه حبيبي اللي عايز أهتم بيه وطول الوقت عايز أغسله وألمعه وأعمله صيانة في في وقتها، بعتبره معالج نفسي، لما تركب البايك وتسمع مزيكتك وتمشي بيه حتى لو لوحدك مش مع جروب بس بعقلانية بترجع البيت إنسان تاني كأنك روحت قعدت على البحر».

في سياق متصل، ودع الفنان محمد مرزبان عالمنا صباح اليوم الأربعاء عن عمر ناهز 64 عامًا، في مستشفى أبو خليفة بالإسماعيلية بعد تعرضه لحادث يوم الأحد الماضي على طريق “مصر-الإسماعيلية”.

تفاصيل حادث الفنان محمد مرزبان

وفي تفاصيل الحادث، اصطدم الراحل بسيارة على طريق “مصر-الإسماعيلية”، بالقرب من مفارق سرابيوم بدائرة مركز أبو صوير بمحافظة الإسماعيلية.

وأصيب محمد مرزبان على إثر بكسر بالعمود الفقري والفقرات العنقية، ونزيف في المخ والبطن والصدر، وكدمات وسحجات متفرقة بالجسم.

وقد خضع محمد مرزبان لعملية جراحية لإيقاف النزيف، ووضع بعدها على أجهزة التنفس الاصطناعي بعد العملية، إلا أن وضعه الصحي الحرج باء بعدم تحسن حالته الصحية.

وكانت زوجة الفنان محمد مرزبان طالبت بنقل زوجها من مستشفى الإسماعيليلة إلى إحدى المستشفيات في القاهرة، إلا أن حالة زوجها الحرجة حالت دون ذلك.

وكانت آخر أعمال محمد مرزبان مشاركته ا في مسلسل ورد على فل وياسمين والذي عرضت الحلقة الأخيرة منه أمس، وجسد خلال أحداث المسلسل دور طبيب ومن بطولة صبا مبارك وأحمد عبدالوهاب، بجانب كل من فدوى عابد، هديل حسن، إسماعيل فرغلي، سلوى محمد علي، ميمي جمال، من إخراج محمود عبد التواب، وتأليف عمرو سمير عاطف ووائل حمدي.