احتفلت الإعلامية لميس الحديدي بعيد ميلاد نور خطيبة نجلها، بكلمات ومشاعر دافئة تعرب عن قربهما من بعض، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
لميس الحديدي تحتفل بعيد ميلاد خطيبة نجلها
وعلقت لميس الحديدي قائلة: “ناس كتير كانت بتسألني ياترى أنا حماه عاملة ازاى ؟ مسيطرة؟ متحكمة؟ بغير على ابني؟ والحقيقة أنى كنت قلقانه جدا مين اللى هتتجوز نور لأنه ابني الوحيد وأنا مرتبطة بيه جدا و بعترف أني كنت دايما باقوله ماينفعش تحب حد أكتر من مامى أنا طبعا، لكن كرم ربنا دايماً عليا كبير و نور جابلي بنوتة حلوة حبيتها بسرعة مريم السطوحي، وبقينا besties زي ماهى بتقول، خاصةً ان نور ابنى لسة مسافر بيشتغل برة، فهى بقت صاحبتي الصغيرة، وعوضتني عن غيابه و كأني ما صدقت يبقى عندى بنت فبقيت بفكر فيها وأنا بأعمل شوبنج ، بكلمها تلحقنى مع تشات جى بى تى الساعه ٣ صباحاً و تعملي سيرش لو عاوزه اكتب حاجة ، احجزي لى سينما يا مريم، ونروح السينما سوى، الحقي الزوم ميتنج مش عارفة اعمله أنا بشعة فى التكنولوجيا وطبعاً باكلمها في أى وقت، إلحقي تلفوني هنج، محتاسين فى توضيب البيت سوى، ده غير أننا شبه بعض فى حاجات كتيرة: التفاصيل، الدقة، التنظيم، حب الشغل لكن هي علشان مهندسة اشطر مني كتير، ولما بأبقى شوية متضايقة طبعاً نور بيقولها بالاقي تلفونى بيرن: عاملة ايه ياطنط، اجى لك نخرج؟، النهارده عيد ميلاد مريم كل سنة وأنت طيبة حبيبتى ، ربنا يحفظك يا رب ، و السنة الجايه كل أحلامك وأحلام نور تتحقق و تكونوا فى بيتكم إن شاء الله، الحمد لله، البنات الحلوين رزق”.
لميس الحديدي تشعر بالقلق
وعلى الجانب الآخر، قالت الإعلامية لميس الحديدي إن الجميع يشعر بالقلق قبل بداية مباراة منتخب مصر أمام بلجيكا، لكنها أكدت ضرورة وجود بعض التفاؤل والثقة في اللاعبين والدعاء لهم بالتوفيق.
وأضافت في منشور عبر موقع التواصل الاجتماعي «فيسبوك» أن توقعاتها للمباراة بسيطة وواقعية، معربة عن أملها في تحقيق نتيجة إيجابية مثل التعادل أمام منتخب قوي بحجم بلجيكا.