كشفت المطربة إيناس عز الدين عن هوية زوجها، بعدما حصدت العديد من الانتقادات لفارق السن بينهما، وذلك من خلال منشور عبر حسابها الرسمي على موقع التواصل الإجتماعي فيسبوك.
هوية زوج إيناس عز الدين
حيث قالت إيناس عز الدين في منشورها: “جماعة أنا متجوزة دكتور أحمد قمر مش دكتور عمرو الليثي خالص والله و هو حتى مش شبهه و النعمة، و نقطة تانية جوزي الفرق بيني و بينه ٨ سنين بس مش متجوزة راجل كبير وأنا عيلة صغيرة علشان الواحد بيقرأ العجب و جوزي مش عجوز اصلاً ولا انا صغيرة بضفاير انا بس اللي عيلتنا كلها كل ما نكبر شكلنا يصغر و علشان انا بس اللي شكلي مسخوطة، انا ٣٠ سبتمبر اللي جاي هكمل ٣٩ سنة، هو بس اللي مش بيصبغ زيي ومن زمان عنده شيب مبكر من وهو في العشرينات لكن هو حبيبي شباب ربنا يبارك في عمره، و نقطة تالتة احنا مش عرسان جداد احنا من قديم الأزل مع بعض من العصور الوسطى، ١٧ سنة و مكملين بس قولوا يارب، و دول شوية صور لينا مع بعض على مدار عمرنا هتلاقوا فيهم صور كتير وهو صغير وانا اللي كبيرة ايام ما كنت كبيرة، و صور بعد ما بقيت ڤامباير وهو كبر و انا صغرت، انجوي يا وظاويظ”.
إصابة إيناس عز الدين
في سياق آخر، قد كشفت الفنانة إيناس عز الدين عن تعرضها إلي إصابة في قدمها، إثر سقوطها سهوًا في حمام السباحة، وذلك من خلال منشور لها عبر حسابها الرسمي على موقع التواصل الإجتماعي فيسبوك.
حيث علقت إيناس عز الدين قائلة: “الحمد لله انها جت على قد التواء بسيط في الكاحل، ال POOL حاول يعمل حاجة صح فقال ياخدني شنكل حرامية”.
تعرض حسابات إيناس عز الدين لحملة هجوم كبيرة
في سياق منفصل، قد كشفت المطربة إيناس عز الدين عن تعرض حساباتها لحملة هجوم كبيرة وريبورتات، وذلك من خلال منشور عبر حسابها الرسمي على موقع التواصل الإجتماعي فيسبوك.
وقالت إيناس عز الدين معلقة: “هو أنا مش عارفة ليه ده بيحصل حقيقي بس أنا الاكونت الشخصي و البيدج بتوعي على فيس بوك تحديداً بيتعرضوا لحملة ريبورتات كبيرة قووووووي وأنا ما عنديش لا فريق سوسيال ميديا و لا غيره ولا حد يقولي اتصرف ازاي و حقيقي مش عارفة ليه ولا مين و مصدومة تماماً ومش عايزة حاجة تعكر عليا فرحتي و نجاحي بس لو حد عنده معلومة المفروض اعمل ايه ياريت ما يبخلش عليا بيها، اللهم إجعل كيدهم في نحورهم”.