أكد كرنوسلاف يورتشيتش، المدير الفني السابق لفريق بيراميدز، إنه كان قرار صعب إنه يسيب النادي السماوي، لكنه لسه مش محدد وجهته القادمة.
يورتشيتش قال في تصريحات لبرنامج مودرن سبورتس مع هاني حتحوت على قناة “modern mti”: “رحيلي عن بيراميدز كان تحدي كبير، وعايز أخوض تحديات جديدة الفترة الجاية”
وأضاف: “كنت بحاول أشحن اللاعبين كتير عشان مفيش جمهور، والنادي عرض عليا أكتر من فرصة، لكن قراري كان الرحيل”
وفي نفس السياق، أشار إنه ممكن يروح السعودية أو قطر في المرحلة الجاية.
واختتم حديثه بالتعليق على تدريب منتخب كرواتيا، وقال: “كرواتيا عندها مدربين كبار وصعب إن أكون في الصورة”