محمد صلاح ظهر مؤخرًا في إعلان مع الفنان مصطفى غريب، في إطار استعدادات مصر لبطولة كأس العالم 2026، والكل متشوق للفوز بهذه المرة.
طريقة مصطفى غريب في التشجيع
مصطفى غريب قدم تشجيع طريف لمحمد صلاح، حيث قال: “عايزين نتفرعن عليهم يا صلاح.. أي غريب قدامنا ينسحب من خوفو، لمّ اللاعيبة حواليك وحابي عليهم. عايزين نوريهم وش رمسيس التاني ونقدم كورة تخليهم يقولوا “what is isis؟”، بعد أي ماتش نكسبه، ننزل بأغنية لفي بينا يا موميا. روح أشوف منقرع الباب، عايزين نكسب ماتشين بس، شفت “طيبة” بالشكل ده؟، إحنا برا المنافسة، يعني مينفعش حد يكرنك بحد. عايزك تركز في التمرينات وتلعب السهل في أبو سمبل منه
مصطفى غريب في رمضان 2027
ومن ناحية تانية، مصطفى غريب أعلن عن موقفه من المشاركة في دراما رمضان 2027 بعد نجاح مسلسله “هي كيميا” في رمضان 2026.
قال مصطفى: “لم أحسم مشاركتي في رمضان الجاي، عندي أكثر من مشروع لكن مفيش تحرك رسمي في أي منهم لحد دلوقتي”
آخر أعمال مصطفى غريب
فيلم “الكلام على إيه” هو آخر أعمال مصطفى، كان في البداية اسمه “أول ليلة”، ثم اتغير لليلة الدخلة، وآخرًا بقى “الكلام على إيه” بسبب فيلم الراحل إسماعيل ياسين “ليلة الدخلة” اللي نزل سنة 1950.
الفيلم بيدور حول ليلة واحدة تخص أربع أزواج من خلفيات اجتماعية وعمرية مختلفة، وكل واحد فيهم بيواجه تحديات ومواقف محرجة في ليلتهم الأولى كأزواج، مما يختبر علاقاتهم بشكل حقيقي ويظهر إذا كان الحب والتفاهم كافيين لتجاوز الصعوبات. الفيلم يقدم القصة بأسلوب ساخر يجمع بين الضحك والرسائل الاجتماعية العميقة حول العلاقات الإنسانية في بداياتها.
فيلم “الكلام على إيه” بطولة أحمد حاتم، مصطفى غريب، سيد رجب، آية سماحة، جيهان الشماشرجي، حاتم صلاح، انتصار، دنيا سامي، خالد كمال، ودنيا ماهر، والفيلم من تأليف أحمد بدوي، وقصة وإخراج ساندرو كنعان، وإنتاج أحمد يوسف.