كشف مصدر من داخل نادي الزمالك عن سبب العقوبة الجديدة اللي ضربت النادي النهاردة من الفيفا، حيث أعلن الاتحاد الدولي لكرة القدم عن منع الزمالك من تسجيل لاعبين جدد خلال الفترات الجاية.
وفي نفس السياق، الزمالك تعرض لضربة جديدة في ملف القيد، بعد ما الفيفا فرض عقوبة جديدة بسبب مستحقات عمر فرج، لاعب الفريق السابق.
وعلمنا إن الغرامة اللي تم توقيعها على الزمالك بسبب قضية عمر فرج وصلت لـ 1.7 مليون دولار، ومع القرار ده، بقى عدد العقوبات ضد الزمالك 17 قضية مرتبطة بإيقاف القيد، بسبب النزاعات المالية مع لاعبين ومدربين سابقين.
على جانب آخر، بعض القضايا دي ممكن تتحل بشكل سريع لو تم دفع المستحقات المتأخرة، وإدارة النادي شغالة على الموضوع ده دلوقتي عشان تتفادى أي تأثير على خطط تدعيم الفريق.
ويكثف الزمالك جهوده لإنهاء ملف إيقاف القيد قبل نهاية الشهر الجاري، بهدف استيفاء شروط الحصول على الرخصة الإفريقية اللي هتساعده في المشاركة في البطولات القارية الموسم الجاي.