منتخب مصر مقبل على مواجهة ودية مع منتخب البرازيل في السابع من يونيو، قبل انطلاق كأس العالم 2026، ومعركة قوية ضد منتخب بلجيكا في أول مباراة بالبطولة.
عمر مرموش، نجم منتخبنا، تحدث عن تطلعاته واستعداداته للمونديال في حوار مع مجلة GQ Middle East.
قال مرموش: “لما كنت صغير، كنت بحلم ألعب لنادٍ كبير زي مانشستر سيتي، وعملت بجد عشان أوصل للمرحلة دي، ولما جات الفرصة كنت عارف إني جاهز”
وأضاف: “كنت منتظر لما أبلغ 18 سنة عشان أغادر مصر، لأنني كنت مؤمن إن تحقيق أحلامي محتاج خوض تجربة جديدة برة بلدي”
وتابع النجم المصري: “لما وصلني عرض فولفسبورغ، ما فكرتش كتير في صعوبة الخطوة، رحت على طول لأن هدفي كان التطور والوصول لأعلى مستوى”
وزاد مرموش: “تعلم اللغة الألمانية كان مفتاح مهم في مشواري، ساعدني أفهم الثقافة وأتواصل مع زملائي بشكل أسرع”
وواصل: “كنت بتكلم الألمانية رغم الأخطاء، وزملائي كانوا بيضحكوا أحيانًا، لكن كانوا مقدرين مجهودي، دلوقتي بتكلمها بطلاقة، ووجود والديّ معايا في ألمانيا سهل الأمور كتير، وكانوا زي جابوا مصر معاهما هناك”
وأضاف: “الانتقال لآينتراخت فرانكفورت كان نقطة تحول في مشواري، ومن هناك بدأت أكتسب ثقة أكبر في قدراتي وأعرف قيمتي كلاعب”
واستكمل مرموش: “نجاحي مش نتيجة موسم أو موسمين، بل ثمرة سنوات طويلة من الشغل والتطور وبناء الثقة بالنفس”
وقال: “لما جا عرض مانشستر سيتي، كنت عارف إني أستحق أكون هناك، حتى لو الانتقال في منتصف الموسم كان سريع ومفاجئ”
وتحدث عن المنافسة في مانشستر سيتي: “المنافسة صعبة جدًا، لكن في نفس الوقت بتخليك لاعب أفضل كل يوم”
وأضاف: “في المستوى ده، التفاصيل الصغيرة هي اللي بتصنع الفارق، واللي بيشتغل أكتر هو اللي بينجح، بستخدم دعم المختصين اللي بيقدمهم النادي في الجوانب الذهنية، لكن أكبر دعم نفسي بالنسبة لي بيجي من خطيبتي”
وعلق على ذكرياته في كأس العالم: “من أكثر اللحظات اللي بتذكرها ركلة بانينكا الشهيرة لزيدان في نهائي 2006، وكمان رونالدينيو كان دايمًا لاعبي المفضل”
واستطرد: “كنت بحب رونالدينيو لأنه كان عنده أسلوب ممتع في اللعب وابتسامته ما كانتش تفارق وشه”
وواصل: “كأس العالم هي البطولة اللي بتحلم فيها كل لاعب إنه يوصل لأبعد نقطة ممكنة”
وذكر: “ما حققه منتخب المغرب في مونديال 2022 أثبت إن المنتخبات العربية والإفريقية قادرة تنافس الكبار وإن أي حاجة ممكنة”
واختتم مرموش: “هنعالج البطولة مباراة بمباراة، ونحترم قوة المنافسين، لكن في نفس الوقت عندنا حلم نحقق حاجة كبيرة”
وخلص قائلاً: “رائع إننا نشوف عدد كبير من منتخبات الشرق الأوسط وإفريقيا في كأس العالم، لكن الهدف مش بس التواجد، إحنا عايزين نقدم مستويات قوية على أكبر مسرح في كرة القدم العالمية، وحان الوقت نُظهر للجميع ما نملك”