علمت مصادرنا أن إدارة نادي الزمالك بتفكر في بيع حسام عبدالمجيد مدافع الفريق الأول خلال الفترة الجاية، ومش حطين رقم محدد للصفقة.
عقد حسام مع الزمالك هيخلص بنهاية الموسم الجاي، وده معناه إنه هيكون حر للتفاوض مع أي نادي بداية من 1 يناير، وبالتالي الإدارة بتحاول تستفيد بأكبر شكل ممكن حال وصول عرض رسمي، خاصة مع الأزمات اللي بتواجه الفريق في قيد اللاعبين.
المصدر أكد إن الزمالك مش ناوي يحط أي شروط مالية أو أرقام ثابتة للصفقة، وبيسيبوا الموضوع مفتوح لحد ما يجيلهم عروض رسمية، كمان أضاف إنهم جاهزين لبيع حسام لو وصلهم عرض أوروبي مميز، لأنهم مش عايزين يقفوا في طريق مستقبل اللاعب.