الإثنين 06/يوليو/2026 – 12:00 ص .
تصدرت المصورة الصحفية المصرية سماح زيدان، مواقع التواصل الاجتماعي ومحركات البحث خلال الساعات الماضية، بعدما لاقت إشادة واسعة من رواد السوشيال ميديا لدورها في توثيق لحظات فرحة المنتخب المصري والجماهير خلال منافسات كأس العالم 2026، لتتحول من ناقلة للمشهد إلى واحدة من أبرز وجوهه.
وقالت سماح زيدان: “ردود أفعال الناس فرحتني لأني طول الوقت بجتهد وبتعب وشغوفة بشغلي وبمهنتي، وبشكر كل أصدقائي اللي ساندوني وساعدوني أجيب المعدات والعدسات بالتقسيط، وبسببهم أنا قادرة أكمل.”.
وأضافت: “مش أنا لوحدي اللي باخد لقطات حلوة، أنا بحاول أنقل الحدث بكل حواسي وهذا توفيق من ربنا. وبتعلم من شغل زمايلي وبعد الماتش بنتفرج على صور بعض وبنشوف اللقطات وبنتعلم من بعض.. ولما المنتخب كسب وتأهل لدور الـ 16 كنت منهارة وعايزة أصرخ من الفرحة ومش قادرة أسيب الكاميرا من إيدي لأني مقدرش أفوت لحظة زي دي.”.
واستكملت: “كان جوايا صراع ودموعي نازلة لوحدها، ولما خلصت اللقطة بقيت أجرى ورا كابتن حسام حسن واللعيبة وهما بيحيوا الجمهور لأني كنت حريصة أخد اللقطات دي. ولما رجعت مكاني تاني لقيت المصور البرازيلي اللي جمبي بيوريني اللقطة اللي كنت ببكي فيها وكان بيستأذني.”.