أعلنت الفنانة الشابة لينا صوفيا عن تفاصيل نجاتها من حادث سير وقع أمس الأربعاء، حيث اصطدمت بتروسيكل كان يستقله عدد من الأشخاص بينهم أطفال. وأعربت عن استيائها الشديد بسبب خطورة الموقف.
وقالت لينا صوفيا في مقطع فيديو عبر حسابها الشخصي على موقع التواصل الاجتماعي إنستجرام: “تروسيكل خبطني وكان عليه ناس كتير أوي ومنهم أطفال، أنا عارفة أنهم مش عارفين خطورة اللي بيعملوه، يا رب يكونوا اتعلموا من التجربة دي. بجد لو كان واحد فيهم حصله حاجة حتى لو بالغلط، أنا بجد عمري ما كنت هسامح نفسي.”.
وأضافت باكية: “الموضوع كان مرعب وأنا كنت مرعوبة وكان معايا مامتي، والحمد لله كل الناس وقفت معايا ومكنتش متخيلة أن اللي هيحصل أحسن من كده. كنت خايفة أبقى أنا اللي غلطانة ولكن ناس كتير وقفت معايا وقالوا لأ إحنا كنا واقفين وأنتي مش غلطانة.”.
واختتمت: “الحمد لله وربنا بيفكرنا كل يوم أن ممكن أي حاجة تحصل في أي وقت فلازم نحمد ربنا على كل حاجة، وربنا ما يحكمش على حد بأي حاجة ولا يحط حد في اختبارات صعبة.”.