حرصت سالي حلمي شقيقة الفنان أحمد حلمي على توجيه رسالة شكر خاصة إلي جمهورها الغالي بعد مساندتهم لها عقب وفاة والدتها، وذلك من خلال مقطع فيديو عبر حسابها الرسمي على موقع التواصل الإجتماعي فيسبوك.
سالي حلمي تشكر جمهورها
حيث قالت سالي حلمي في الفيديو: “طالعة مخصوص عشان أشكر ناس كتير جدًا في حياتي، حابة أشكر الناس اللي عزوني، الناس اللي من مصر ومن برا مصر، شكرًا ليكم ولمحبتكم، وطالعة مخصوص للناس اللي كلموني وبعتولي رسايلي حسسوني في لحظة أني بعمل حاجة مهمة، أنا كنت عايشة وشايفة أني بعمل حاجة، ولكن جاتلي رسايل من أمهات وزوجات كتير بيعزوني وبيقولولي قومي وشدي حيلك، وكنت برد وبقولهم أن الطاقة الإيجابية اللي عندي مبقتش موجودة، ولكن لم تبعتلي أم وتقولي لازم تقومي أنا في يوم من الايام كانت هتتخرب حياتي من مشاكل عائلية وأنتي وقفتي جنبي وسندتيني، وأم تانية وتقولي ابني كان هيضيع مني لولاكي أنا كنت بسمع فيديوهاتك ونصايحك، ودول مش بس الناس اللي كانت بتيجي العيادة عشان الموضوع ميتفهمش أنه كان ليا استفادة لا كلامهم كان عن الفيديوهات واللايفات اللي بطلعها، بجد كلهم فرقوا معايا وكلامهم خلاني اقدر اقوم تاني واحاول استعيد قوتي وطاقتي الايجابية، ده مش على واحد او اتنين لا ده كم كبير من الرسايل لما كنت بقراها كنت بضحك بعد ما الفرح والضحك بعد عني، بعد وفاة ماما”.
عمل سالي حلمي صدقة جارية على روح والدتها
واختتمت سالي حلمي حديثها قائلة: “كنتوا طبطبة على قلبي جدًا جدًا، وبقولكم أني إنشاءالله هرجع تاني للفيديوهات بتاعتي مع أني ساعة خالد أخويا فضلت قافلة سنتين عشان محدش يقول أني بستغل التريند، مكنتش متخيلة أني اسمع من حد أني فعلا بقصر في حياته، إمبارح جاتلي مكالمة هي السبب في الفيديو ده، أم قالتلي أنا بتابعك من وقت ما ابني كان 3 سنين لحد ما دخل الجامعة أوعي متكمليش أنتي فارقة معانا، أنتوا حاجة جميلة وأنتوا سندي بعد ربنا وادعولي بالصبر وإنشاءالله أرجعلكم تاني، كل نصيحة أو كلمة هقولها هتبقى صدقة جارية على روح أمي وأبويا وأخويا رجمة الله عليهم”.