حرص الفنان حسام داغر على نعي الفنان الشاب كريم عبدالعليم برسالة مؤثرة موضحاً فيها سبب وفاة الممثل الشاب .
حسام داغر يكشف سبب وفاة كريم عبدالعليم
وكتب حسام داغر عبر صفحته الشخصية على موقع التواصل الاجتماعي فيس بوك : الله يرحمك يا كريم مش مصدق وأنا بكتب الكلام ده .. الممثل الشاب كريم عبد العليم كان طالب عندي في استوديو الممثل و خريج المعهد العالي للفنون للمسرحية في ذمة الله.
وأضاف : توفي من شويه عربية صدمته في الشيخ زايد و توفي في المستشفي ، ده لسه فرحك كان في شهر يناير يا حبيبي يا شقيان يا ممثل يا عظيم و شاطر من أول ما عرفتك في مسلسل حضرة العمدة و شفت موهبتك و علقت علي جمالها و شطارتك و عرفت إنك من المتفوقين كمان في المعهد و إنك خدت حوايز كتير من أول فيلمك القصير بوتيتو potato .
وتابع : جيت و عرفتك أكتر كطالب عندي و شفت حجم موهبتك الكبير .. ليه يا ربي وجع القلب ده ميغلاش علي اللي خلقه ده كان بيضطر يجري ورا حلمه و يشتغل حاجات تانيه علشان يقدر يتجوز و يفتح بيته لا حول و لا قوة الا بالله ربنا يصبرني يا رب و يرحمك يا حبيبي يا كريم يا عريس الجنة .
