خرج الفنان سامح صفوت عن صمته، ليعلق على حادث دهس بائعة الشاي، الذي تصدر التريند منذ أيام، وذلك من خلال منشور مطول أدان به أولياء الأمور عبر حسابه الرسمي على موقع التواصل الإجتماعي فيسبوك.
سامح صفوت يعلق على حادث بائعة الشاي
وعلق سامح صفوت قائلًا: “لا حول ولا قوة إلا بالله، يا جماعة عربياتكم مش لعبة تدوها لعيالكم يتمنظروا بيها، ده اسمه اهمال لما تسيب ابنك القاصر يسوق عربية طن حديد يبقى انت اللي سايب ابنك دايس بنزين على أرواح الناس، كفاية إهمال، كفاية استهتار، أرواح الناس مش رخيصة، حاسبوا عيالكم قبل ما تتحاسبوا، يعني إيه ولد ولا بنت قاصر ياخد مفتاح عربية أبوه وينزل يلف بيها ؟؟، فين الرقابة ؟؟ فين المسؤولية؟؟ فين الخوف على ابنك ولا بنتك وعلى ولاد الناس؟؟، هدير بائعة الشاي سواء كانت بتسترزق على عربية الشاي أو واقفة في امان الله في حالها او واقفة مستنية مواصلات او رايحة لصاحبتها او .. او .. الخ
في ثانية حلمها و حياتها اتحطموا تحت عجلات “شقاوة وروشنة عيال” أهاليهم سايبينهم بدون رقابة”.
رسالة سامح صفوت لأولياء الأمور
ووجه سامح صفوت رسالة إلي أولياء الأمور قائلًا: “رسالة لكل أب وأم شايفين إن سواقة العيال الصغيرة “روشنة”: اسألوا أهل هدير دلوقتي عن طعم الروشنة دي، مفتاح العربية اللي بتسيبه قدام ابنك ممكن يبقى سبب في إنك تستلم ابنك لا قدر الله أو تستلم قضية لحد ربنا يرحمه مالوش اي ذنب غير أنه كان واقف في امان الله، ربنا يرحمك يا هدير ويصبر اهلك.. ويرحمنا من الإهمال اللي بقى موضة، الإهمال مش حرية شخصية .. الإهمال جريمة، ابنكم اللي بتغمضوا عنيكم عنه وهو واخد العربية “لفتين”.. ممكن في لفة يضيع انسان معاه، متستنوش لما المصيبة تحصل عشان تفوقوا.. استقيموا يرحمكم الله، المعادلة في الاخر :ـ قاصر سايق = جريمة، اب سايب العربية لابنه أو بنته القاصر= شريك في الجريمة، النتيجة = اهمال ورعونة + روح تضيع مالهاش ذنب، ولله الأمر من قبل ومن بعد، وفي النهاية .. رأيكم مين يتحمل الخطأ الأكبر الآباء ام الأبناء ؟”.
