شارك النجم أحمد سعد عبر صفحته الرسمية على فيسبوك، فيديو له من داخل سيارة بدون سائق في أمريكا، حيث تحدث سعد خلال الفيديو مع كرسي السائق بشكل طريف.
وعلق أحمد سعد على الفيديو: “التاكسي بدون سائق في أمريكا، ولا كأن الواحد مش قادر يبطل العادة دي”.
وجاء ذلك بعد أن شاركت النجمة ياسمين عبدالعزيز بالأمس الثلاثاء، فيديو لها عبر حسابها، وهي داخل سيارة في لوس أنجلوس الأمريكية تتحرك ذاتيًا، معربة عن انبهارها الكبير بالتجربة.
وفي سياق آخر، ظهر الفنان أحمد سعد في أحدث إطلالة له وهو يقص شعره أمام جمهوره في مقطع فيديو، كاشفًا عن امتناعه عن القصات الغريبة، وذلك من خلال صفحته الرسمية على فيسبوك.
وقال سعد خلال الفيديو: “عايزكم تبقوا معايا في اللحظة الجاية دي، عايز أعمل حاجة مهمة جدًا وعايزكم تساعدوني عليها. إيه السبب بقى؟ السبب إني خلاص توبت عن أي حاجة غريبة، أي حاجة هتزعل جمهوري اللي بحبه ويقعد يقولي لالا أنت ليه عامل كده”.
وواصل أحمد سعد: “طبعا هتقولوا هو ليه كل شوية يعمل حاجات ويرجع يعتذر، مش مهم أنتوا هتقولوا إيه، المهم إني مش هلاقي جمهوري زعلان مني في أي حاجة تاني في حياتي. أه أنا مبعملش حاجة حرام، ولكن أنا عايش وسط مجتمع، مش عايز أعمل حاجات غريبة تاني وعايز أعيش في سلام. عايز أقول لكل اللي زعل مني سامحوني للمرة العشرين ألف، بس أعمل أيه بتحبوني وبحبكم”.