روبيرتو هيلبيرت نجم منتخب ألمانيا السابق، رشح عدد من المنتخبات للفوز بكأس العالم 2026، وأكد أن البطولة الجاية هتكون من أقوى النسخ بسبب تقارب المستويات بين الفرق.
قال هيلبيرت في حديثه ببرنامج ستاد المحور: “طبعًا ألمانيا وفرنسا وإنجلترا من أبرز المرشحين للقب”.
وأضاف: “فيه كمان فرق تانية ممكن المفاجأة، زي المكسيك وتركيا وكرواتيا والبوسنة، وساحل العاج من المنتخبات الإفريقية اللي ممكن تحقق نتائج قوية”.
وتابع: “المنتخبات الإفريقية مش بس بتصنع المفاجآت، لما تبص على قوائمها هتلاقي أن معظم اللاعبين في أقوى الدوريات الأوروبية، وبيتمتعوا بمستوى فني عالي”.
وواصل: “أنا متأكد أن مصر هتتأهل للدور التالي، لأنها عندها جودة فنية كبيرة في مجموعتها، وده بيخلي فرصتها كبيرة للتأهل”.
وكمل: “مصر ممكن تنهي دور المجموعات في المركز الأول، عندها محمد صلاح ومجموعة من اللاعبين المميزين”.
واختتم حديثه: “أنا واثق 100% أن محمد صلاح لسه قادر على اللعب في أوروبا وعلى أعلى مستوى، وعنده الإمكانيات اللي تخليه يتألق في أقوى الدوريات”.