في تطورات جديدة، كشف الإعلامي الأهلي-مع-فيستون-مايلي-في-صيف-ا-260490/">أمير هشام عن وجود مسئول كبير من الأهلي في الرباط بالمغرب منذ يومين، وعقد جلسة مع المدرب حسين عموتة لوضع اللمسات الأخيرة على التعاقد معه.
وقال عبر برنامجه مودرن سبورتس على قناة modern mti إن الإدارة القانونية بالنادي الأهلي كانت بتراجع العقود بدقة عشان تتجنب أي مشاكل في المستقبل.
وأضاف أن عموتة هيمضي الليلة بحضور مسئول من الأهلي، ولا في أي أزمات بخصوص الضرائب، والمدرب ما طلبش يسافر فرنسا بسبب مرض زوجته، وكل الكلام ده مش صحيح.
وعن خطوات التعاقد قال إن الأهلي هيتعلن عن تعيين عموتة خلال الساعات الجاية، واللي بيؤكد ده هو ترحيب المدرب المغربي بتعيين وائل جمعة مدير للكرة، وهو ما كانش عنده أي اعتراض على وجود مدير للكرة في الفريق، وكمان الصخرة أبو تريكة دعما فكرة تعيين عموتة.
كمان ياسين منصور نائب رئيس الأهلي، هو الوحيد اللي عقد جلسة “زووم” مع عموتة من حوالي عشرة أيام.
وفيما يخص الأمور المالية أكد أن الاتفاق بين الأهلي وعموتة هيكون على 215 ألف دولار، المدرب هياخد 125 ألف دولار، والجهاز المعاون هيحصل على 90 ألف دولار.
أما بالنسبة للمدرب المصري اللي هيكون مع عموتة، لحد دلوقتي مفيش اسم محدد، النادي الأهلي لسه مش حاسم الأمر، رغم وجود أكثر من مرشح بس لغاية دلوقتي مفيش اسم الأنسب.