الأهلي دلوقتي تحت قيادة سيد عبد الحفيظ وياسين منصور بيحاولوا يثبتوا الأوضاع داخل الفريق، خاصةً في موضوع عقود اللاعبين بعد موسم مش على قد التوقعات، انتهى بلقب واحد بس وهو كأس السوبر المصري.
تواصلنا مع مسؤول في النادي الأهلي عشان نعرف آخر أخبار عقود اللاعبين، وأكد لنا إن النادي أتم اتفاق شفهي مع تريزيجيه على تقليل قيمة عقده وفق سقف الرواتب الجديد اللي هيبدأ من الموسم الجاي، وكمان هيتم ربط جزء من العقد بالبطولات.
وأضاف المسؤول إنهم ناقشوا نفس الموضوع مع أحمد سيد زيزو، اللي كان عنده مرونة في المفاوضات، لكنه طلب تأجيل النقاش لحد بعد بطولة كأس العالم.
من ناحية تانية، هيكون فيه حديث مع لاعبين آخرين عشان يتم ربط عقودهم بالإنجازات اللي يحققها الأهلي سنويًا، وذلك ضمن السياسة الجديدة اللي ناوي سيد عبد الحفيظ يطبقها.
واختتم حديثه إن الموضوع هيتم تأجيله لحد بعد المونديال، عشان بعض اللاعبين موجودين مع منتخبنا الوطني.