دافيد تريزيجيه، بطل العالم مع منتخب فرنسا ونجم يوفنتوس السابق، وجه انتقادات لاذعة لثنائي هجوم الفريق الحالي، الصربي دوشان فلاهوفيتش والكندي جوناثان دافيد، مؤكدًا أنهم مش قادرين يعوضوا غياب الهدافين الكبار.
تريزيجيه ينتقد فلاهوفيتش ودافيد بعد فشل يوفنتوس في التأهل لدوري الأبطال.
في تصريحات إعلامية، قال تريزيجيه: “مشكلة فلاهوفيتش إنه لاعب كبير، لكن يوفنتوس منتظر منه كتير، هو بيقدّم أداء جيد أحيانًا، لكن مش قادر يثبت نفسه بشكل مستمر، ونفس الكلام ينطبق على جوناثان دافيد.”
تريزيجيه يدعم الفرنسي كولو مواني.
كمل تريزيجيه انتقاداته لإدارة يوفنتوس، وذكر إنهم غلطوا لما فرطوا في المهاجم الفرنسي راندال كولو مواني، وقال: “كان لازم يحتفظوا بكولو مواني لأنه قدم في فترة قصيرة ما هوش أقل بكتير من فلاهوفيتش ودافيد.”
مسيرة كولو مواني مع يوفنتوس.
كان كولو مواني لعب ليوفنتوس على سبيل الإعارة في النصف الثاني من الموسم الماضي، ونجح يسجل 10 أهداف في 22 مباراة، وبعدين رجع لباريس سان جيرمان، اللي أعاره تاني لتوتنهام هوتسبير في الموسم الحالي. بينما فلاهوفيتش لسه بيدور على استقرار تهديفي بعد ما انضم ليوفنتوس من 4 مواسم.