نشر عصام الحضري، حارس مرمى منتخب مصر السابق، فيديو عبر حساباته على السوشيال ميديا وهو بيعمل جلسة استشفاء في مياه مثلجة، وده جزء من تمارين التعافي بعد مجهود بدني كبير.
الحضري علق على الفيديو وقال: “شوية روقان في التلج يغسلوا الدوشة الكدابة ويهدوا الأعصاب”
في نفس السياق، ظهرت حالة من الجدل بينه وبين لاعب الأهلي أحمد سيد زيزو، وده رجّع اسمهم على السوشيال ميديا الفترة الأخيرة، وسط متابعة جماهيرية كبيرة.
قبل كده، رد زيزو بشكل ساخر على انتقاد الحضري لتواجده في قائمة منتخب مصر لمونديال 2026، لما قال الحضري: “زيزو يروح مع المنتخب يعمل إيه، اللي بيروح لاعب عمل أداء وجاب أهداف وعامل أسيست”
أما زيزو، فقال في حوار مع الإعلامي سيف زاهر: “معنديش رد، فيديو حلو بصراحة لذيذ، رأيه هو حر، يمكن دلوقتي إن لما تقول كلام عشان يسمع”
واختتم نجم الأهلي كلمته وقال: “النتائج هي اللي خلت الناس تحكم إن المستوى وحش، لأن لما يبقى عندك زيزو وطاهر وبن شرقي وإمام وحسين، مينفعش تخسر ماتش، فلما نخسر، الناس بتقول إننا مش في مستوانا”
من ناحية تانية، زيزو انتقل للأهلي قادمًا من الزمالك في صفقة انتقال حر بعد انتهاء عقده مع الفارس الأبيض.