استغاث المخرج راسم ماهر بالجهات المختصة من أجل إيجاد فرصة عمل له، في الفترة الحالية، بسبب الأزمة التي يمر بها بعد مرور والده بوعكة صحية، حيث أكد المخرج أنه في أمسّ الحاجة حاليًا للمساعدة وترشيحه لعمل فني، من أجل الإنفاق على علاج والده.
وكتب راسم ماهر منشورا، عبر حسابه الشخصي بموقع التواصل الاجتماعي فيس بوك، قال فيه: مش من طبعي أتكلم عن ظروفي، ولا أطلب حاجة من حد، وفضلت فترة كبيرة أقول لنفسي إن الأمور هتتحسن لوحدها، بس المرة دي أنا بكتب الكلام ده من باب السعي، أنا شغال مساعد مخرج أول، وبحاول من أول يوم في المجال إني أبقى شخص يعتمد عليه، وأتعلم من كل شخص بقابله والحمد لله ربنا وفقني إني أشتغل مع أهم الأسماء في مصر وأثبت نفسي بينهم.
المخرج راسم ماهر يستغيث بسبب قلة العمل: هكون شاكر لأي حد يساعدني
وتابع: الحقيقة إن الفترة الحالية صعبة عليّا جدًا، والدي تعبان، والشغل بعد الموسم واقف، وبسبب ظروف مرض والدي أنا محتاج أشتغل في أقرب فرصة، فلو فيه أي ترشيح أو حد محتاج مساعد مخرج يبقي في ضهره، أنا جاهز ومستعد جدًا، وهكون شاكر لأي حد يقدر يساعدني أو يوصلني بفرصة مناسبة.