كشف المؤلف عمرو محمود ياسين عن إمكانية تكرار تعاونه مع الفنان أحمد العوضي وياسمين عبد العزيز، كما حرص على التعليق وتوضيح رأيه في مسلسل 2 قهوة.
عمرو محمود ياسين عن إمكانية تعاونه مع أحمد العوضي: مش بسعى ولا رافض أشتغل معاه
وقال عمرو محمود ياسين خلال لقائه مع الإعلامي أحمد سالم في برنامج كلمة أخيرة، عن إمكانية التعاون مع الفنان أحمد العوضي: دايمًا بيسألوني السؤال ده عشان ياسمين، أكيد ياسمين نجمة مهمة والعوضي أثبت نجاح في الفترة الأخيرة وإننا نتعاون في يوم الأيام، أنا مش بسعى ليها ولا أنا رافضها وده بإيد ربنا وهو راجل بحترم شغله.
كما تطرق عمرو في حديثه إلى إمكانية تكرار تعاونه مع الفنانة ياسمين عبد العزيز بعد مسلسل وننسى اللي كان، أردف: مفيش حاجة اسمها أفكار خلصت، أحيانًا أحد الأطراف بيقول “طب ما ممكن أغير وأشوف دماغ تانية”، أنا مبقولش إن ده اللي حصل، بس أنا وياسمين عندنا توافق كبير جدًا ولدينا القدرة على التعاون، وأتمنى إني أشتغل مع المخرج محمد الخبيري دايمًا، وفيه مخرجين تانيين أحب أشتغل معاهم زي عصام نصار.
أما عن مسلسل 2 قهوة، قال عمرو: راضي جدا لـ 2 قهوة بس اتعرض لحاجة غريبة وكان فيه هجوم شديد جدا على البطلة من سكة معجبتنيش، فيه اللي قال “ليه بنشغل جنسيات أخرى؟”، فيه ناس عندها مشكلة بتبحث عن أرضية الخلاف مش أرضية التوافق.