كشف الفنان بدوي فهمي عن تفاصيل الدعم الذي تلقاه من الفنان ياسر جلال خلال فترة مرضه وإقامته بالمستشفى، مؤكدًا أن جلال حرص على زيارته بعيدًا عن أعين الصحافة.
بدوي فهمي ينهار من البكاء: “ياسر جلال قالي ولادك وبناتك وعيلتك في عنيا”
قال الفنان بدوي فهمي خلال لقائه مع الإعلامية نهال طايل في برنامج «تفاصيل» المذاع على قناة «صدى البلد 2»، إنه قضى 17 يومًا داخل المستشفى، وكان ياسر جلال يحرص على زيارته ليلاً بعيدًا عن الأضواء، موضحًا: «بقالي في المستشفى 17 يوم، والفنان ياسر جلال بيجيلي بالليل عشان مش عايز الناس والصحافة تشوفه».
وأضاف بدوي فهمي: «أنا كنت بعمل العملية والمستشفى مفيهاش منظار، وياسر جلال كان مسافر برا مصر بعت فلوس وجابلي المنظار عشان أعمل العملية».
وأوضح بدوي فهمي: «أنا فرحان بالمرض، عشان لما ربنا بيحب حد بيجبله المرض عشان يشيل عنه الذنوب، أنا عايز أمشي من الدنيا دي وولادي مستورين».
واختتم بدوي فهمي حديثه قائلاً: «ياسر جلال قالي ولادك وبناتك وعيلتك في عنيا وأنت هتكون كويس وهتشتغل معايا في مسلسل».