الكل بيدور على تفاصيل أزمة زيزو وعصام الحضري اللي ظهرت بقوة في الساعات الأخيرة وخلت الناس تتكلم عنها بشكل كبير على السوشيال ميديا، خصوصًا بعد التصريحات الأخيرة اللي زادت من حالة الجدل بين الجماهير.
الجماهير اتفاعلت بشكل كبير مع الأزمة، فبعضهم بيؤيد زيزو وآخرين بيهاجموا الحضري، وده زود الجدل حول العلاقة بينهم خلال الفترة الأخيرة.
وموقع «أحداث اليوم» حابب يقدم لكم القصة الكاملة لأزمة زيزو وعصام الحضري، عشان تكونوا على علم بكل التفاصيل المهمة.
القصة الكاملة لأزمة زيزو وعصام الحضري
القصة بدأت بعدما وجه عصام الحضري انتقادات حادة لأداء أحمد سيد زيزو مع الأهلي ومنتخب مصر، خلال ظهوره في إحدى القنوات، حيث أكد إنه مفروض زيزو يكون له دور أكبر في المباريات، وقال: “زيزو مش مؤهل يكون مع المنتخب في كأس العالم 2026”.
رد زيزو على عصام الحضري
في ظهور له مع الإعلامي سيف زاهر، اتعرض فيديو للحضري وهو بينتقد زيزو، وزيزو رد بطريقة ساخرة، وقال: “ده عصام الحضري”
وأضاف زيزو: “معنديش رد، الفيديو حلو بصراحة، رأيه هو حر، يمكن دلوقتي إن لما تقول كلام عشان يسمع، ده رأيه وهو حر.. معرفش الهدف من كلام الحضري ده إيه، عشان بنشوف اللي بيقول حاجة تفرقع هو اللي بيبقى موجود على الشاشات”.
السد العالي يهاجم زيزو مرة أخرى: “اسمي كابتن عصام الحضري يا جعان”
عصام الحضري نشر صورة له على “فيس بوك” وهو حامل 4 بطولات من كأس الأمم الإفريقية، وكتب تعليق قوي، قال فيه: “أنا اسمي كابتن عصام الحضري يا جعان”، في إشارة لمكانته الكبيرة مع المنتخب المصري وإنجازاته على مدار مشواره.