كل عيون عشاق كرة القدم متوجهة دلوقتي نحو الولايات المتحدة وكندا والمكسيك، يوم 11 يونيو الجاي، مع بداية أكبر حدث رياضي في تاريخ اللعبة، بطولة كأس العالم 2026.
وإحنا بنتكلم عن المونديال، هنستعرض معاكم في أحداث اليوم أغرب المواقف والحوادث اللي حصلت في البطولات السابقة، وكمان اللحظات الجدلية اللي عاشت فيها البطولة العالمية “كأس العالم”.
قبل 3 أيام بس من انطلاق البطولة، كأس العالم 2026 في أمريكا وكندا والمكسيك، تحوّل من حدث كروي كبير لدراما حقيقية، 3 دول، 16 مدينة، 104 مباراة، و48 منتخب لأول مرة في تاريخ المونديال، الرقم دي ممكن تعمل فوضى، لكن الدراما بدأت قبل ما تبدأ البطولة نفسها.
أزمات حقيقية وفشل يلوح في الأفق.
البداية كانت مع منتخب العراق، اللي وصل بعثته منقوصة بسبب أزمة التأشيرات الأمريكية، بعد ما تم ترحيل مصور المنتخب من أمريكا بسبب مشكلة في التأشيرة، واستجواب المهاجم أيمن حسين صاحب هدف التأهل، ومع تشديد إجراءات الدخول، “أسود الرافدين” وصلوا معسكرهم في أمريكا ناقصين لاعبين أساسيين، وده غير مألوف في أكبر البطولات العالمية.
إيران عندها كابوس حقيقي، القرعة وضعته في مجموعة منتخبنا المصري مع بلجيكا ونيوزيلندا، وهيلعب مبارياته الثلاث في الأراضي الأمريكية لكن من غير ما يقدر يقيم هناك، وتم نقل مقر إقامة منتخب إيران للمكسيك، يعني هيرجع للمكسيك بعد كل مباراة، وده هيؤثر عليهم بدنيًا وذهنيًا.
أما منتخب الكونغو الديمقراطية، فكان عنده أزمة بسبب فيروس إيبولا، وبما إن الفيروس منتشر في بلادهم، أمريكا فرضت حجر صحي 21 يوم على البعثة في حال ظهور أي حالة.
منتخب مصر هيلعب مع بلجيكا في الجولة الأولى، بعدها هيسافر مسافة 3400 كم للعب مع نيوزيلندا، وهتكون رحلة مرهقة بعد مباراة قوية مع دي بروين ورفاقه.
والمباريات هتشهد توقفات ممكن توصل لـ60 دقيقة بسبب العواصف الرعدية، مما قد يضطر الحكم لإخلاء الملعب كذا مرة في المباراة الواحدة.
في الجهة الثانية، المنتخب السويسري اختار معسكره في أريزونا، لكن الملعب اللي هيدرب فيه موجود جنب أفعى الجرس السامة، وده بيخلي الأمور خطيرة بالنسبة لهم.
وفي النهاية، كأس العالم 2026 شهد كسر قاعدة “الملعب يحكم”، الأجواء هتكون غير تقليدية، من درجات حرارة مرتفعة لعواصف رعدية، بجانب شكاوى المنتخبات من سوء أرضيات الملاعب، والمنتخب اللي هيتكيف بسرعة مع الدراما برة الملعب ممكن يحقق الكأس في 19 يوليو 2026.